Università statinale di Teatru 2025 - da u 5 à l'8 di ghjugnu 2025

Ogni lingua porghje una visione unica di u mondu chì arrichisce un patrimoniu cummunu.

À l'uccasione di l'Università Statinale di Teatru da u 5 à l'8 di ghjugnu artisti, circadori è attori culturali Corsi è internaziunali s'addunisceranu per splurà e vie d'un teatru vivu, arradicatu è appertu, cun spettaculi, attelli è tavule tonde, accessibili à tutti è di gratisi.

L’Università Statinale di Teatru, in lingua corsa è in lingue minuritarie, hè purtata à tempu da u Centru Culturale Universitariu è da u Laboratoriu LISA (Università di Corsica / CNRS). Risponde à un doppiu inghjocu : quellu di valurizà a lingua corsa è e lingue minuritarie in quant’è vettori di creazione, atti à sprime i cuntesti suciostorichi di i so territorii è, quellu d’allargà l’orizonte di u teatru in lingua corsa à u mondu.

St'evenimentu ineditu si presenterà cum'un umagiu à e prime Università d'estate chì anu avutu un rollu maiò in a riapertura di l'Università di Corsica in u 1981.

A prugrammazione teatrale hè pensata cum'un percorsu puntellatu da nove spettaculi : sette in lingua corsa, unu in gallizianu è unu in occitanu. L'opere cuntrastanu trà d'elle è tessenu un filu trà memoria, tramandera è creazione cuntempuranea.

Unepochi di spettaculi in corsu seranu sottutitulati in francese, altri u?n necessiteghjanu sottutituli, puru per quelli micca cursofoni. I spettaculi di lingue straniere seranu sottutitulati in corsu, lingua preduminante di isse ghjurnate : l’adattazione ne he? stata fatta da Patrizia Gattaceca.

Ritruvate u prugramma numericu. 

***

Manifestazione : 

GHJOVI U 5 DI GHJUGNU :

- 2 ore è mezu dopu meziornu : [SPETTACULU] 
Trè fole macagne per i zitelli - Spaziu Natale Luciani 

- 6 ore di sera [SPETTACULU]
A Vargugna - Spaziu Natale Luciani 

- 9 ore di sera [SPETTACULU] 
As Fillas Bravas - Spaziu Natale Luciani

VENNARI U 6 DI GHJUGNU :

- da 10 ore à meziornu [ATTELLU]
Attellu Teatrale plurilinguu - Salla DT 001 FLLASHS, Campus Mariani 

-  2 ore dopu meziornu [TAVULA RONDA]
U teatru in u mediterraniu : a lingua cum'è scelta di creazione - Salla immersiva, UMR LISA, Edifiziu Edmond Simeoni 

- 6 ore di sera [SPETTACULU] 
Miñan - Spaziu Natale Luciani 

-  9 ore di sera [SPETTACULU]
À l'escita - FRAC, Citadella di Corti 

SABATU U 7 DI GHJUGNU:

-  da 10 ore à meziornu [ATTELLU 1]
Attellu teatrale in lignua corsa -  Salla DT 001 FLLASHS, Campus Mariani 

- 10 ore à meziornu [ATTELLU 2]
Attellu teatrale in lignua corsa - Salla DT 003, FLLASHS, Campus Mariani

- 2 ore di dopu mezionru [TAVULA RONDA]
U Teatru in lingua corsa : evoluzione da u principiu sin'à oghje - Salla immersiva, UMR LISA, Edifiziu Edmond Simeoni 

- 6  ore di sera [SPETTACULU] 
Prunu, di u to sangue preziosu - Spaziu Natale Luciani 

- 9 ore di sera [SPETTACULU]
Arcanghjula - Spaziu Natale Luciani 

DUMENICA L'8 DI GHJUGNU 

- da 10 ore à meziornu [ATTELLU 1]
Attellu teatrale in lignua corsa -  Salla DT 001 FLLASHS, Campus Mariani 

-  da 10 ore à meziornu [ATTELLU 2]
Attellu teatrale in lignua corsa - Salla DT 003, FLLASHS, Campus Mariani

- 2 ore di dopu meziornu [TAVULA RONDA]
Riinvestisce e figure storiche è legendarie in a creazione teatrale cuntempurania - Salla immersiva, UMR LISA, Edifiziu Edmond Simeoni 

-  6 ore di sera [SPETTACULU] 
A Rimigna 24 - FRAC, Citadella di Corti 

- 9 ore di sera [SPETTACULU]
Coglie e Castagne - Spaziu Natale Luciani

***

V'aspittemu numarosi !